ഒൻപതാം ക്ലാസുകാരിയെ തട്ടിക്കൊണ്ടുപോയ കേസിൽ നാല് പേർ പിടിയിൽ. കൊടുമണ്ണിൽ കഴിഞ്ഞ ദിവസമായിരിരുന്നു നാടകീയ സംഭവങ്ങൾ ഉണ്ടായത്. പെൺകുട്ടിയുമായി പോകും വഴി പ്രതികൾ സഞ്ചരിച്ച ഓട്ടോറിക്ഷ കേടായി വഴിയിൽ കുടുങ്ങിയതോടെയാണ് പ്രതികൾ പിടിയിലായത്.
ഇലവുംതിട്ട സ്വദേശികളായ അരുൺ, ബിജു, അജി ശശി, അഭിഷിക് എന്നിവരാണ് പിടിയിലായത്. കൊടുമണ്ണിലെ വീട്ടിൽ നിന്ന് കുട്ടിയെ കൊണ്ടു പോയ സംഘം ഇലന്തൂരിലാണ് കുടുങ്ങിയത്. പെൺകുട്ടിയെ കാണാതായതോടെ വീട്ടുകാർ പോലീസിൽ പരാതിപ്പെട്ടിരുന്നു.
പോലീസ് അന്വേഷിക്കുന്നതിനിടെയാണ് സംഘം കുടുങ്ങിയത്. പ്രതികളിൽ ഒരാൾ പെൺകുട്ടിയുമായി അടുപ്പമുള്ള ആളാണെന്ന് പൊലീസ് പറയുന്നു.
കഴിഞ്ഞ ദിവസം രാത്രി വീട്ടിൽ നിന്നാണ് നാലാംഗ സംഘം 14 കാരിയെ തട്ടിക്കൊണ്ടുപോയത്.
