ചടയമംഗലം പഞ്ചായത്തിലെ അക്കോണം വാർഡിൽ ഒരാൾക്ക് അമീബിക് മസ്തിഷ്ക ജ്വരം ബാധിച്ചെന്ന സംശയം ഉയർന്നിട്ടുണ്ട്. പ്രാഥമിക ലക്ഷണങ്ങൾ പ്രകടമായതിനെ തുടർന്ന് വ്യക്തിയെ നിരീക്ഷണത്തിൽ മാറ്റിയതായി ആരോഗ്യവകുപ്പ് വൃത്തങ്ങൾ അറിയിച്ചു.
രോഗലക്ഷണങ്ങൾ സ്ഥിരീകരിക്കുന്നതിനായി പരിശോധനാഫലങ്ങൾ കാത്തിരിക്കുകയാണ്. ഇതോടെ പ്രദേശത്ത് ആരോഗ്യവകുപ്പ് ഉയർന്ന ജാഗ്രത പ്രഖ്യാപിച്ചു. കുടിവെള്ള പൈപ്പുകളിലും പൊതു കിണറുകളിലും ക്ലോറിനേഷൻ ശക്തമാക്കാൻ അധികൃതർ നിർദേശം നൽകിയിട്ടുണ്ട്.
പഞ്ചായത്ത് അധികൃതരും ആരോഗ്യപ്രവർത്തകരും ചേർന്ന് വെള്ളസ്രോതസ്സുകളുടെ ശുചിത്വ പരിശോധനയും ക്ലോറിനേഷൻ പ്രവർത്തനങ്ങളും ആരംഭിച്ചിട്ടുണ്ട്.
