ഭാര്യയെ മർദ്ദിക്കുന്നത് തടഞ്ഞ ബന്ധുവിനെ ആക്രമിച്ച കേസിലെ പ്രതി പിടിയിൽ.
തൊടിയൂർ വേങ്ങറ നാസില മൻസിൽ നബിദ് (29) ആണ് കരുനാഗപ്പള്ളി പോലീസിന്റെ പിടിയിലായത്.
നബിദിന്റെ ഭാര്യയെ മർദ്ദിക്കുന്നത് മൊബൈൽ ഫോണിൽ ചിത്രീകരിക്കാൻ നോക്കിയതിലുള്ള വിരോധത്താൽ പരാതിക്കാരന്റെ ഫോൺ നിലഞ്ഞു എറിഞ്ഞു പൊട്ടിക്കുകയും തടിപ്പത്തല് വെച്ച് തലയടിച്ച് പൊട്ടിച്ച് വധിക്കാൻ ശ്രമിക്കുകയായിരുന്നു. നേരത്തെയും പ്രതിക്ക് സമാനമായ കേസുകൾ നിലവിലുണ്ട്.
അക്രമത്തിനുശേഷം ഒളിവിൽ പോയ പ്രതിയെ സാഹസികമായാണ് ഒളി സങ്കേതത്തിൽ നിന്നും പോലീസ് പിടികൂടിയത്. കരുനാഗപ്പള്ളി പോലീസ് സ്റ്റേഷൻ എസ് എച്ച്ഓ നിസാമുദ്ദീന്റെ നേതൃത്വത്തിൽ എസ്ഐമാരായ ഷമീർ, റഹീം എസ് സിപിഓ മാരായ ഹാഷിം, രാജീവ്, മനു ലാൽ സിപിഓ സജീർ എന്നിവർ അടങ്ങിയ സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
