വർക്കലയിൽ നടന്ന വാഹനാപകടത്തിൽ യുവാവ് മരണപ്പെട്ടു.

കഴിഞ്ഞദിവസം വൈകുന്നേരം ബൈക്കുകൾ തമ്മിൽ കൂട്ടിയിടിച്ച് ആയിരുന്നു അപകടം നടന്നത്.വർക്കല വട്ടപ്ലാമൂട് റോഡിൽ ആയിരുന്നു അപകടം ഉണ്ടായത്.

വർക്കല ചെറുക്കുന്നം സ്വദേശി മുഹമ്മദ് റാസിനാണ് മരണപ്പെട്ടത്.
തച്ചോട് ഭാഗത്തു നിന്ന് വട്ടപ്ലാമൂട് ജംഗ്ഷനിലേക്ക് വരുകയായിരുന്ന പാളയംകുന്ന് സ്വദേശി അഭിമന്യു ടിപ്പർ ലോറിയെ മറികടക്കുന്നതിനിടെ എതിരെ വന്ന റാസിനും സുഹൃത്തുക്കളായ അമൽ അഭിജിത്ത് എന്നിവർ  സഞ്ചരിച്ചിരുന്ന ബൈക്കിൽ ഇടിക്കുകയായിരുന്നു.

റാസിൻ സ്ഥലത്ത് വെച്ച് തന്നെ മരണപ്പെടുകയായിരുന്നു. വർക്കല താലൂക്ക് ആശുപത്രിയിൽ എത്തിച്ചു പ്രാഥമിക ചികിത്സ നൽകിയതിനു ശേഷം,തലയ്ക്ക് ഗുരുതരമായി പരിക്കേറ്റ അമൽ അഭിജിത് എന്നിവരെ തിരുവനന്തപുരം മെഡിക്കൽ കോളേജിലും അഭിമന്യുവിനെ പാരിപ്പള്ളി മെഡിക്കൽ കോളേജ് ആശുപത്രിയിലും  ചികിത്സയ്ക്കായി മാറ്റി.