ചിതറ ആയിരകുഴിയിൽ വീട്ടിനുള്ളിൽ മധ്യവയസ്‌ക്കനെ മരിച്ച നിലയിൽ കണ്ടെത്തി . ആയിരിക്കുഴി പാലമൂട്ടിൽ വീട്ടിൽ 52 വയസുകാരൻ വിശ്വനാഥനെയാണ് മരിച്ച നിലയിൽ കണ്ടെത്തിയത്.
രണ്ട് ദിവസമായി പുറത്ത് കാണാതിരുന്ന വിശ്വനാഥനെ തിരക്കി സുഹൃത്തുക്കൾ വീട്ടിൽ എത്തിയപ്പോഴാണ് മരിച്ച നിലയിൽ വിശ്വനാഥനെ കാണുന്നത്.
മൃതദേഹത്തിന് രണ്ട് ദിവസത്തോളം പഴക്കമുണ്ടെന്നാണ് പ്രാഥമിക വിവരം. ഒറ്റയ്ക്ക് താമസിച്ചിരുന്ന വിശ്വനാഥന് വാർദ്ധക്യസഹജമായ അസുഖങ്ങൾ ഉണ്ടായിരുന്നു.
അസുഖം മൂർച്ഛിച്ചാണ് മരണപ്പെട്ടതെന്നാണ് പുറത്ത് വരുന്ന വിവരം.
ചിതറ പോലീസ് സ്ഥലത്തെത്തി തുടർനടപടികൾ സ്വീകരിച്ചു . മൃതദേഹം കടയ്ക്കൽ താലൂക്ക് ആശുപത്രിയിലേക്ക് മാറ്റി
