ചടയമംഗലത്ത് കെ എസ് ആർ റ്റി സി സൂപ്പർ ഫാസ്റ്റ് ബസ് നിർത്തി ഇട്ടിരുന്ന ലോറിയിൽ ഇടിച്ചു കയറി അപകടം.
കഴിഞ്ഞ ദിവസം രാത്രി 11.30 യോടെ ആണ് അപകടം ഉണ്ടായത് . ചടയമംഗലം നെട്ടേത്തറയിലാണ് നിർത്തി ഇട്ടിരുന്ന ലോറിയിലേക്ക് കെ എസ് ആർ റ്റി സി ബസ് ഇടിച്ചു കയറിയത് . 20 ഓളം പേർക്ക് പരിക്ക് പറ്റിയിരുന്നു . യാത്ര കാരിയായ ഒരാളുടെ നില ഗുരുതരമാണ്.
തിരുവനന്തപുരത്ത് നിന്നും തൃശ്ശൂരിലേക്ക് പോകുന്ന ബസ് ആണ് അപകടത്തിൽ പെട്ടത്.
അപകടത്തിൽ പെട്ടവരെ കടയ്ക്കൽ താലൂക്ക് ആശുപത്രിയിലും തുടർന്ന് മെഡിക്കൽ കോളേജിലേക്കും മാറ്റിയിട്ടുണ്ട്.
എം സി റോഡിൽ അപകടങ്ങൾ തുടർക്കഥയാണ്.
നെട്ടേത്തറയിൽ തന്നെ ഒന്നര മാസത്തിനുള്ളിൽ വാഹനാപകടത്തിൽ അഞ്ചോളം ജീവനുകളാണ് പൊലിഞ്ഞത്.
