അഞ്ചൽ ഈസ്റ്റൻ വില്ലയിൽ സലീമിന്റെ വീടിന് നേരെയാണ് കഴിഞ്ഞ ദിവസം രാത്രി 11.15 ഓടെ അക്രമം ഉണ്ടായത്. വീടിന്റെ മുന്നിൽ കിടന്ന കാറും ജനാലയും കതകും അക്രമികൾ അടിച്ചു തകർത്തതായി സലീം പറയുന്നു. വീടിന്റെ സമീപം താമസിക്കുന്ന സുധീറെന്ന വ്യക്തിയുമായി സലീം ചെറിയ തോതിൽ വാക്ക് തർക്കം ഉണ്ടായിരുന്നു. ഈ വാക്ക് തർക്കത്തിന്റെ വൈരാഖ്യമാണ് അക്രമത്തിന് പിന്നിലെന്ന് സലീം പറയുന്നു. സുധീറിന്റെ ബന്ധുക്കളായ മടത്തറ സ്വദേശികളെ ഇന്നലെ രാത്രി കൊണ്ട് വരികയും വീടിന്റെ മതിൽ ചാടി കടന്ന് മാരക ആയുധങ്ങൾ കൊണ്ട് ആക്രമിക്കുകയായിരുന്നു എന്നും സലിം പറയുന്നു. വീടിന് പുറത്ത് ഇറങ്ങാത്തത് കൊണ്ട് ആർക്കും ദേഹോപദ്രവം സംഭവിച്ചില്ല എന്നും സലിം കൂട്ടിച്ചേർത്തു.
ഈ അക്രമത്തിൽ സംഭവ സ്ഥലത്ത് നിന്ന് മടത്തറ ചോഴിയക്കോട് സ്വദേശിയായ ഒരു ടാക്‌സി ഡ്രൈവറും മറ്റൊരാളും പോലീസ് പിടിയിൽ ആയിട്ടുണ്ട്. ബാക്കി ഉള്ളവർ മറ്റൊരു വാഹനത്തിൽ രക്ഷപ്പെട്ടു എന്നാണ് അറിയാൻ കഴിയുന്ന വിവരം.
കഴിഞ്ഞ ദിവസം സലീമിന്റെ മകൻ നടത്തി വന്ന കൻസ്ട്രക്ഷൻ കമ്പനിയ്ക്ക് നേരെ പ്രദേശ വാസികൾ അക്രമം നടത്താനായി എത്തിയിരുന്നു. അത് സമീപ വാസികൾ തന്നെ തടഞ്ഞു എന്നും സലീം പറയുന്നു
