കടയ്ക്കലിൽ റോഡ് ക്രോസ് ചെയ്യവെ 60കാരൻ കാർ ഇടിച്ച് ചികിത്സ യിൽ കഴിഞ്ഞു വരവേ മരണപ്പെട്ടു.
കടയ്ക്കൽ പാങ്ങലുക്കാട് അഴകത്ത് വിള വിഷ്ണു ഭവനിൽ ഗോപനാണ് (60)മരിച്ചത്.
കഴിഞ്ഞ ദിവസം വൈകിട്ടു അഞ്ചരമണിയോടെ സ്കൂട്ടറിൽ സ്വാമിമുക്കിൽ എത്തിയതിനു ശേഷം റോഡ്മുറിച്ചു കടക്കവേ കടയ്ക്കലിലേക്ക് വരുകയായിരുന്ന സ്വിഫ്റ്റ് കാർ ഇടിച്ചു തെറിപ്പിക്കുകയായിരുന്നു.
റോഡിൽ തെറിച്ചുവീണ ഗോപനെ നാട്ടുകാരും ബന്ധുക്കളും ചേർന്ന് കടയ്ക്കൽ താലൂക്ക് ആശുപത്രിയിലും പിന്നീട് തിരുവനന്തപുരത്തേ സ്വകാര്യ ആശുപത്രിയിലും പ്രേവേശിപ്പിച്ചു. തലയ്ക്കു ഗുരുതരമായി പരിക്കേറ്റിരുന്നു. ഇന്ന് ഉച്ചയോടെ ഗോപൻ മരണത്തിനു കീഴടങ്ങി.
മരണപെട്ട ഗോപൻ പാങ്ങലുകാട് അഴകത്തു വിളയിലെ സ്വാകാര്യ സ്കൂളിലെ ബസ്സിലെ ജീവനക്കാരനാണ്.കടയ്ക്കൽ പോലീസ് മേൽ നടപടികൾ സ്വീകരിച്ചു വരുന്നു.
