മോഷ്ടിച്ച ആംബുലൻസ് ചിതറയിൽ ഉപേക്ഷിച്ചു മോഷ്ടാക്കൾ കടന്ന് കളഞ്ഞു

മോഷ്ടിച്ച ആംബുലൻസിനെ ഉപേക്ഷിക്കപ്പെട്ട നിലയിൽ കണ്ടെത്തി.
ചിതറ- പാങ്ങോട് റോഡിൽ ചിതറ ഗവ. ഹൈസ്കൂളിന് മുന്നിലാണ് വാഹനം ഉപേക്ഷിക്കപ്പെട്ട നിലയിൽ കണ്ടെത്തിയത്. നെടുമങ്ങാട് പനവൂർ പി. ആർ ഹോസ്പിറ്റിലിന് മുന്നിൽ പാർക്ക് ചെയ്തിരുന്ന ആംബുലൻസ് ആയിരുന്നു ഞായറാഴ്ച പൂർച്ചെ രണ്ട് മണിയോടെ മോഷണം പോയത്. കെ. എം. വൈ. എഫ് കനിവ് പനവൂർ മേഖല കമ്മറ്റിയുടെ ആംബുലൻസാണ്.

ആശുപത്രിക്ക് മുന്നിൽ ഇരുന്ന ബൈക്കും മോഷ്ട്ടാക്കൽ മോഷണം നടത്താൻ ശ്രമിച്ചിരുന്നു. രണ്ട് യുവാക്കളാണ് മോഷണം നടത്തിയതെന്ന് ആശുപത്രി സി. സി. ടി. വി ദ്യശ്യങ്ങളിൽ നിന്നും വ്യക്തമാണ്. ആശുപ്രതിയ്ക്ക് സമീപത്ത് മറ്റൊരു ബൈക്കും ഉപേക്ഷിക്കപ്പെട്ട നിലയിൽ കണ്ടെത്തിരുന്നു. ആoബുലൻസ് ഉപേക്ഷിക്കപ്പെട്ട സ്ഥലത്ത് നിന്നും ചിതറ പോലിസിൻ്റെ നേതൃത്വത്തിൽ വാഹന ഉടയയ്ക്ക് വാഹനം കൈമാറി.
ഉടമയുടെ പരാതിയിൽ നെടുമങ്ങാട് പോലീസ് അന്വേഷണം ആരംഭിച്ചു.