ചിതറ: ചിതറ ഗ്രാമ പഞ്ചായത്തിലെ നിർദ്ധരരായ കുടുംബങ്ങൾക്ക് വിവാഹ ആവശ്യങ്ങൾക്കായി ധന സഹായം നൽകി അനിൽകുമാറും, ഹാപ്പി അനിൽകുമാറും മാതൃകയായി.
തങ്ങളുടെ അവശ്യം ചിതറ ഗ്രാമപഞ്ചായത്തിനെ അറിയിക്കുകയും പഞ്ചായത്ത് കണ്ടെത്തിയ അർഹരായ നിർദ്ധരരായ 4 കുടുംബങ്ങൾക്ക് 50,000 രൂപവീതമാണ് സഹായം നൽകിയത്.
അരിപ്പൽ, കിളിത്തട്ട്, മാങ്കോട് എന്നീ വാർഡുകളിൽ നിന്നാണ് കുടുംബങ്ങളെ കണ്ടെത്തിയത്.
പഞ്ചായത്തിൽ വെച്ചു നടന്ന ചടങ്ങിൽ ഗ്രാമ പഞ്ചായത്ത് പ്രസിഡന്റ്‌ ശ്രീ. മടത്തറ അനിൽ, മുൻ പഞ്ചായത്ത് പ്രസിഡന്റ്‌ ശ്രീ. MS മുരളി, വികസന സ്റ്റാൻഡിങ് കമ്മിറ്റി ചെയർമാൻ ശ്രീ. ഷിബു, ആരോഗ്യ സ്റ്റാൻഡിങ് കമ്മിറ്റി ചെയർമാൻ ശ്രീ. അമ്മൂട്ടി മോഹനൻ, വാർഡ് മെമ്പർ ശ്രീ. രാജീവ്‌ കൂരാപ്പള്ളി, അനിൽകുമാർ, ഹാപ്പി അനിൽകുമാർ, പഞ്ചായത്ത് അസ്സി. സെക്രട്ടറി ദീപക് നായർ, ഉദ്യോഗസ്ഥരായ കൃഷ്ണൻ ഉണ്ണി, അജാസ് തുടങ്ങിയവർ പങ്കെടുത്തു.
ഈ ഓണക്കാലത്തു മാതൃകാപരമായ പ്രവർത്തനം നടത്തിയ അനിൽകുമാറിനും കുടുംബത്തിനും ചിതറ ഗ്രാമപഞ്ചായത്തിന് വേണ്ടി പ്രസിഡന്റ്‌ നന്ദി അറിയിച്ചു.
